Втор квалификациски меч за ЕП 2020: Словенија – Македонија 20:45

Вечерва на стадионот Стожице во Љубљана, македонската фудбалска репрезентација го игра вториот натпревар од квалификациите за ЕП 2020. После победата над Латвија „црвено-жолтите“ ќе се сретнат со селекцијата на Словенија која нема победа на последните седум мечеви.

Селекторот Ангеловски после стигнувањето на Љубљана на прес конференцијата изјави дека добро ја познава репрезентацијата на Словенија и дека не очекува неизвесен и тежок меч.

– “Во Љубљана стигнавме со многу добра атмосфера откако одигравме одличен натпревар со Летонија. Не очекува нов натпревар, имавме време да се одмориме и подготвени влегуваме во дуелот со Словенија. Го знам тимот што ќе истрча утре, но нормално нема да го кажам сега, затоа што тоа најпрво ќе им го соопштам на играчите. Наша интенција е да влегуваме во овој меч со истиот пристап како во изминатите три години. Од тоа што сме анализирале Словенија има добар среден ред и напад, а и опасни контра-напади. Но ние ќе излеземе на терен да си ја играме нашата игра. Се среќаваат две добри репрезентации и очекувам натпреварот да биде неизвесен. Имаме позитивна атмосфера и очекувам тоа да го матријализираме утре на терен“, изјави селекторот Игор Ангеловски.

Поради повреда на воведниот натпревар на новиот квалификациски циклус во четвртокот против Летонија од списокот за настап испадна Ферхан Хасани, а селекторот Игор Ангеловски не повика друг играч на негово место.

Репрезентацијата на Македонија вчера го одржа и официјалниот тренинг на стадионот Стожице, каде вечерва од 20:45 часот против Словенија.

Стадионото во Љубљана има капацитето од 16.000 седишта, според информаиите кои пристигнуваат од Словенија, нашата репрезентација ќе има поддршка од повеќе од 2.000 македонски навивачи. Влезниците се продаваат по цена од 7 до 20 евра.