Гостивар
Запознајте го Давид од Гостивар, најмалиот железничар на светот
Со железничарска капа на главата и знак за сигнализација, 4 и пол годишниот Давид Петкоски од Гостивар, секоја вечер во 18 часот задолжително е на градската железичка станицата и го чека возот кој од Скопје преку Гостивар продолжува кон Кичево. Железничарите веќе многу добро го познаваат и го направиле свој колега. Му подариле капа и знак со кој заедно со нив му сигнализира на возот за застанување и тргнување на станицата. Давид е најмалиот железничар на светот, а станицата му е најомиленото место кадешто ужива детски искрено, бескрајно.
„Многу ги сакам возовите затоа што се многу брзи. Возот на станицата доаѓа од кривината и знам дека веќе е блиску, кога ќе ја слушнам сирената. Најинтересно ми е кога му покажувам да застане и после да тргне. Кога ќе пораснам сакам да имам мој воз и да го возам. Дедо Мраз сакам да ми донесе пакетче, а може и некој воз“, ни рече Давид, со кого се дружевме една вечер додека беше на „работното место“ на станицата.
Овој ритуал да ја посети железничката станица и да му даде стоп и старт на возот за Давид трае околу една година. Колку и да се зафатени, какви и да се обврските и без оглед на временските прилики родителите мора да најдат време да го донесат покрај пругата или пак да ги ангажираат дедовците и вујкото за тоа.
„Љубовта кон возовите му се роди спонтано, веројатно најпрво од играчките возови кои ги има многу, цела колекција, ужива со возовите. Пред една година, имаше желба да патува со воз и го замоли мојот свекор да му ја исполни, па така заедно патуваа со возот од Гостивар до Кичево. Од тогаш, секоја вечер мора да биде на станица за да го пречека возот, и потоа да го испрати. Сите овде веќе го познаваат. Железничарите, а и машиновозачите го викаат колега“, вели неговата мајка Евица.
Верувале или не, Давид од колегите железничари деновиве доби и прва плата, која решил да ја штеди. Најмалиот железничар на светот ни рече дека ќе продолжи да доаѓа на станицата секоја вечер, а еден ден ќе си го исполни сонот и ќе вози свој воз.
-
Гостиварпред 4 недели
Курсна листа на НБРМ и приватните менувачници во Гостивар
-
Македонијапред 5 дена
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 дена
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
БРАВО! Руфија Идризовска од Гостивар со просек 10,00 најдобар студент на ПМФ и Институтот за хемија
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
Видео емисиипред 3 месеци
Емисија „МИНУТИ ЗА СЕКОГО“ – Гостин: Благица Димитровска | ПРОБЛЕМИТЕ И МАКИТЕ НА ЛИЦАТА СО ПОПРЕЧЕНОСТ