Зимски ручек: Кисела зелка со макарони и колбаси

Киселата зелка традиционално е доста застапена на нашите трпези преку зимскиот период. Најчесто се користи за подготовка на сарми и подварок, или како салата, но има и други вкусни јадења во кои може да ја искористите, како на пример овој не така секојдневен рецепт, со макарони и колбаси.

Состојки:

макарони – 500 гр

1 помала кисела зелка

1 праз

колбаси – 300 гр.

масло, сол, бибер

Подготовка:

Најпрво испржете го празот во масло, по неколку минути додадете ја исечканата кисела зелка. Динстајте 15 минути, а потоа исечете ги колбасите на тркалца и додадете ги во зелката. Гответе уште 10 минути, зачинете со сол и бибер и потоа ставете ја смесата во длабок плех. Сварете ги макароните и додадете ги во плехот, по што добро измешајте се‘.

Прелијте го јадењето со 300-400 мл. врела вода и печете во рерна на 200 степени околу 20 минути.