20 евра казна за неносење маска, 2.000 евра за фирмите кои нема да обезбедат заштита за вработените

Уредба со законска сила за носење лична заштита на лицето заради спречување на ширењето, сузбивање на заразната болест предизвикана од коронавирусот COVID-19 и заштита на населението за време на вонредна состојба, од денеска веќе е на сила.

За непочитување на оваа уредба предвидени се и парични казни од 20 евра за физички лица, 500 евра за прекршок на секое одговорно лице во правното лице ако постапува спротивно на одредбите, па се до 2.000 евра за правните лица.

Казните нема да се изрекуваат до наредниот четврток, со цел, физичките и правните лица да имаат време да набават заштитна опрема. 

-Глоба во износ од 20 евра во денарска противвредност, ќе се изрече за прекршок на секое домашно или странско физичко лице ако постапува спротивно на одредбите од член 2 од оваа уредба со законска сила.

-Глоба во износ од 2 000 евра во денарска противвредност, ќе се изрече за прекршок на секое домашно или странско правно лице ако постапува спротивно на одредбите од член 3 од оваа уредба со законска сила.

-Глоба во износ од 500 евра во денарска противвредност, ќе се изрече за прекршок на секое одговорно лице во правното лице ако постапува спротивно на одредбите од член 3 од оваа уредба со законска сила.

Оваа уредба со законска сила се применува за време на траењето на вонредната состојба, како и до завршување на пандемијата со COVID 19 прогласена од Светската здравствена организација.