28 годишен Белгиец е планинарот кој почина по пад од карпа на Шара

Надлежните официјално го идентификуваа починатиот планинар кој вчера (8 ноември) падна од карпа во провалија близу Титив Врв. Како што информира СРВ Тетово станува збор за 28 годишниот С.Ф. од Белгија. Неговото тело беше пронајдено денес и со хеликоптер на МВР беше извлечено од местото.

Јавен обвинител и екипа од СВР Тетово извршија увид и се расчистува и документира случајот.

Вчера (8 ноември) во 17 часот и 30 минути преку ЦУК-Тетово во СВР Тетово, Ф.Н.(24) од Куманово пријавил дека движејќи се со уште едно лице, негов пријател, кон Титов Врв, околу половина километар пред да се искачат, другото лице паднало од карпа во бездна и се повредило, но дека поради непристапниот терен и маглата Ф.Н. не можел да види за какви повреди станува збор и практично да му помогне.

Набргу по пријавувањето беше организирана спасувачка потрага по двете лица во која учествуваа екипи на МВР, ЦУК, СВР Тетово, ТППЕ Тетово и други лица, кои со специјални теренски возила и хеликоптер се упатиле на посоченото место. По извесно време спасувачките екипи го пронашле Ф.Н. и го пренеле во тетовската Клиничка болница за укажување на лекарска помош, a двајца припадници на МВР се повредиле во акцијата.