664 вакцинирани лица со една доза потврдени позитивни на ковид, нема случај по две примени вакцини

Според податоците од Институтот за јавно здравје, заклучно со 22 мај 2021 година во земјава вакцинирани се вкупно 220.758 лица со барем една доза на вакцина против Ковид-19. Комплетно, со две дози се вакцинирани вкупно 38.819 граѓани.

Согласно податоците добиени од Управата за електронско здравство, регистрирани се 664 позитивни лица по примена прва доза вакцина против COVID-19. Заразени и починати по примени две дози, не се регистрирани.

„Од нив, 456 се потврдени како позитивни во првите 14 дена од датумот на вакцинација, што укажува на фактот дека најверојатно истите биле во период на инкубација во моментот кога ја примиле вакцината. Од 664-те лица, 75 биле хоспитализирани. Регистрирани се 22 починати лица по примена вакцина против COVID-19. Од нив, 17 се во првите 14 дена од датумот на вакцинација, односно се дел од лицата кои најверојатно биле во период на инкубација во моментот кога ја примиле вакцината.“, се наведува во извештајот на ИЈЗ.

Инаку, од вкупниот број аплицирани вакцини најголем дел отпаѓа на Синофарм.

• 226 дози на Pfizer/Biontech (35.637 со прва доза и 15.589 со втора доза),
• 099 дози на Sputnik V (22.874 со прва доза и 22.225 со втора доза),
• 146 дози на AstraZeneca и
• 106 дози Sinopharm