Пролетен тренд-Лакови за нокти во посветли нијанси

Трендот на глазирани нокти продолжува и оваа пролет – во нежен стил. Во таа смисла, бледите, пастелни бои се најдобриот избор, особено нијансите на лаванда или светложолтите со сјајна завршница. Ако се оди на професионален педикир, советот гласи: Побарајте хромиран финиш или пробајте блескав лак за посјаен изглед на ноктите.

Боја на лаванда

Пастелните тонови се признак на пролетта, но ако жената бара малку необични бои, лаванда е изборот што се препорачува. За да се осигурате дека бледи нијанси убаво се гледаат на ноктот, се почнува со бел основен слој, а потоа се додава лакот со боја на лаванда.

Бела боја

Ако пролетна гардероба е дотолку шарена што модата налага секој ден да се менува лакот за нокти, белата боја е одлично решение. Без разлика дали ќе се одлучите за нијанса на мраз или пополна, кремасто бела, тој лак се нанесува на кратки нокти, заради минималистички изглед, препорачуваат стилистите.

Беж

За сите оние кои не сакаат да си ги истакнуваат ноктите на нозете, изборот се лакови коишто прават ноктите да изгледаат само сјајно и здраво. Бежот е класична нијанса, а за љубителките на „шик“ минималистичкиот педикир, се препорачуваат млечно-беж боја или непроѕирна неутрална нијанса.