Приведен вработен во ЈСП Скопје, се заканувал дека ќе постави бомба во автобус

МВР информира дека денеска од полициски службеници е приведен Ј.И. вработен во ЈСП, по претходна пријава околу 5 часот од ЈСП дека од неговиот меил на службениот меил на ЈСП и на мејловите на сите директори, службите за финансии, правни и други служби во ЈСП пратил порака со закана дека поради нередовното земање на плата, планирал да постави бомба во автобус на ЈСП, која би експлодирала денес за време на протестите.

Се вршат антитерористички проверки и се преземаат мерки за расчистување на случајот, информира полицијата.

Утрово сите автобуси на ЈСП се повлечени од сообраќај.