Гостивар
На листа на невработени во Гостивар 49 магистри и 1 доктор на наука
Според официјалната статистика на државната Агенција за вработување, на листата на невработени на гостиварското подрачје евидентирани се вкупно 8.783 граѓани. Овие податоци се заклучно со 28 февруари годинава. Бројката е намалена во споредба со лани истиот период за околу 800.
Од евиденцијата може да се види дека безработица ги мачи и лицата без образование, но и оние кои се високообразовани. На списокот невработени евидентирани се 6.144 лице лица со основно или без никакво образование. Со завршено средно образование без работа се 1.815, со факултет ги има 403, а работа бараат и 49 магистри на науки и еден доктор на наука.
Висока е бројката на граѓани кои се невработени повеќе години. Околу третина од евидентираните, чекаат вработување три или повеќе од три години. Над 1.000 се невработени осум или над осум години.
Последниот попис на населението покажа дека во земјава има вкупно 109.249 невработени лица на возраст од 15 години и повеќе. Од нив речиси 80 проценти се со основно или средно образование. Поголемиот дел од невработените со основно и средно се мажи – над 60 проценти, додека од 1 545 невработени со магистратура 60 проценти се жени.
Во земјава има и 100 невработени доктори на науки.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Вестипред 2 месеци
Историјат на Осми март – Празник посветен на правата на жените
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот