Седумдесет и едногодишен гостиварец е велосипедистот кој загина во несреќа попладнево

Полицијата излезе со информации за денешната фатална сообраќајна несреќа во Гостивар во која камион прегази велосипедист на крстосницата на улиците „Гоце Делчев” и „Беличица”. Според пријавеното во СВР Тетово околу 15 часот и 30 минути, товарно моторно возило”ман” со мешалка за бетон, управувано од М.К.(56) од Беловиште, удрило во машко лице кое се движело со велосипед.

Од ударот, велосипедистот Т.Ј на возраст од 71 година од Гостивар, се здобил со тешки телесни повреди од кои починал. На местото на несреќата е извршен увид што го водел Јавен обвинител, а во кој учествувала и екипа од Одделението за внатрешни работи Гостивар. По наредба на Јавниот обвинител ќе се врши обдукција.