Вести
До пет лица дневно на инфективно во Гостивар заради крлежи
Не поминува ден без пациент каснат од крлеж на инфективното одделение во општата болница во Гостивар. Овие паразити се особено активни во потоплиот период од годината, а искуството на лекарите вели дека ги има насекаде, во шумските предели, ливадите, по нивите, низ дворовите со повеќе трева, во парковите.
Од едно до пет лица каснати од крлежи, секојдневно се обраќаат за помош на инфективно.
„Порано можеше да се случи во текот на целата година да имаме само по неколку случаи, но последниве години бројката расте. За овој период можам да кажам дека до пет пациентите примаме секој ден. Лицата прво одат на хирургија да се извади осилото, а ние потоа продолжуваме со терапија која се состои од серум антитетаникум, антибиотик, аналгетик и кортико“, вели инфектологот д-р Драган Наумовски.
Иако бројката на пациенти расте, добра околност е што најголемиот дел од лицата поминуваат со благи симптоми од локална природа, како црвенило и јадеж на местото на каснување. За среќа, болест којашто е предизвикана од крлежи на подрачјето на Гостивар не е регистирана веќе пет години. Во 2012-та година во мај и јуни беа евидентирани два случаи на Лајмска болест, од кои едниот беше кај шестгодишно дете.
Што може секој од нас да направи како превентива во однос на крлежите и другите инсекти и паразити кои напаѓаат во овој период?
При престој на отворено, во шумски предели, во паркови и слично, граѓаните треба да избегнуваат движење низ високи треви и грмушки. Облеката треба да биде светла и задолжително да ги покрие отворените делови од телото: раце, нозе, врат и глава. Препорачливо е да се користат заштитни средства во вид на спрејови или креми, таканаречени репеленти, кои ги одбиваат крлежите. По враќање дома, потребно е да се направи самопреглед и облеката добро да се истресе.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар
-
Вестипред 2 месеци
Историјат на Осми март – Празник посветен на правата на жените
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ