УМС на ВМРО ДПМНЕ во Гостивар организираше крводарителна акција

Во просториите на партискиот штаб во Малеарди, Унијата на млади сили на ВМРО ДПМНЕ денес организираше акција за дарување на крв. Во акцијата се вклучија и кандидатот за градоначалник на Гостивар од оваа партијата, Дафина Стојаноска, носителот на листата за советници, Лоран Страшевски и кандидати од советничката листа.

„Оваа акција не е само собирање на крв за оние на кои им е неопходна, туку и мотивирање на граѓаните континуирано да бидат посветени на дарување крв, за спасување на човечки животи. Денес како ВМРО ДПМНЕ Гостивар испраќаме порака: подари живот, биди хуман, направи добро дело. Хуманоста е единственото нешто кај човекот со кое може да се покаже како се сака животот и како луѓето несебично ја даруваат својата крв. Вреди да се биде хуман, во хуманоста се гледа големината на еден човек“, изјави Стојаноска на денешната крводарителна акција.