Вести
Македонската репрезентација вечерва против Шпанија ја почнува втората фаза
Сениорската машка ракометна репрезентација денеска ги почнува настапите во втората фаза на Европското Првенство во Хрватска. Прв противник за избраниците на Раул Гонзалез е селекцијата на Шпанија.
Натпреварот што ќе се игра во Вараждин Арена е закажан да почне од 20:30 часот, а се очекува голем број македонски навивачи да ги бодрат нашите ракометари од трибините. Селекторот Гонзалез пред овој натпревар направи една измена во составот, го вклучи Филип Лазаров кој ќе биде дел од 16-те ракометари на местото на Никола Маркоски.
Македонија со 3 бода моментално се наоѓа на третото место на табелата, со бод помалку но и натпревар помалку од Данска и Германија кои веќе го одиграа своето прво коло во главната фаза. Шпанија се наоѓа веднаш зад Македонија на табелата со 2 бода, откако во првата групна фаза славеше убедливо над Чешка (32-15), додека од Данска доживеа пораз (25-22). Денеска покрај средбата Македонија – Шпанија, во Вараждин ќе се одигра и натпреварот Германија – Данска кој ќе почне од 18:15 часот.
Македонија и Шпанија последен пат се сретнаа во јануари 2017 година на Светското Првенство во Франција и тогаш Шпанија славеше со 29-25. Последен пат на Европските Првенства меѓусебе играа во 2014 година во Данска, кога Шпанија победи со 33-22.
Извор: РФМ
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот