Алексис Санчез со фантастично видео претставен како играч на Манчестер Јунајтед

Долго најавуваниот трансфер на Алексис Санчез во Манчестер Јунајтед денес е завршен и официјализиран.

Клубот од Олд Трафорд објави дека е потпишан договор со чилеанскиот репрезентативец, а како дел од трансферот во спротивен правец замина репрезентативецот на Ерменија, Хенрик Мктаријан.

– Чест ми што сум дел од најголемиот клуб на планетата. Поминав три и пол преубави години во Арсенал, а можноста да заиграм на историскиот Олд Трафорд и да работам со Мурињо е нешто што не можев да одбијам. Горд сум и дека сум прв чилеанец кој заиграл за Манчестер Јунајтед и сакам да им покажам на навивачите зошто Јунајтед толку ме посакуваше, изјави Санчез за клубскиот сајт.

Цифрите од договорот за сега не ги објавуваат од клубот, но се верува дека платата на Алексис Санчез ќе биде околу 20 милиони фунти годишно.

Фудбалерот попладнево беше претставен со оригинално видео и со легендарната седмица на дресот. Знаејќи ја љубовта на Санчез кон пијаното, од Манчестер Јунајтед подобра идеја за овој момент не можеа да измислат.