Контрола низ гостиварските улици – Брзото возење најчест прекршок

Секторот за внатрешни работи продолжува со засилените сообраќајно-контролни активности на гостиварското и на тетовското подрачје.

Во вчерашната акција на сообраќајната полиција, биле откриени седумдесетина најразлични видови прекршоци, кои биле заокружени со 23 прекршочни и 49 мандатни платни налози.

Најчест прекршок во Гостивар е неприлагодена брзина според условите на патот, вкупно 12,  управување без возачка дозвола (3) и користење на мобилен телефон при возење (3).

Слична е состојбата и во Тетово каде освен овие биле откриени и возачи под дејство на алкохол, со истечена регистрација и други.

„Акциите се преземаат со цел да се воведе поголем ред во сообраќајот и да се спречат несакани последици“, нагласуваат од Секторот за внатрешни работи