Вести
Вежба во ОУ „Гоце Делчев“ – учениците евакуирани за минута и половина
Учениците и персоналот на гостиварското основно училиште „Гоце Делчев“ денес имаа практична вежба како да постапат во случај на земјотрес пропратен со пожар и да избегнат несакани последици, повреди и паника. Според протоколот учениците најпрво се сокрија под клупите, а потоа координирани од наставниците го напуштија училишниот објект и излегоа во дворот. Вежбата се спроведе успешно и учениците беа евакуирани за околу минута и половина.
„Показната вежба е најдобар начин да ни се врежи во меморијата што треба да правиме во ваков случај на елементарна непогода. Ние имаме напишани протоколи и документација, но многу е поголем ефектот кога тоа практично се изведува“, изјави Сашо Шарески, директор на ОУ „Гоце Делчев“
Денешната вежба ја организираше Црвениот крст од Гостивар во соработка со Противпожарната единица, Брзата Помош, Дирекцијата за заштита и спасување и Центарот за управување со кризи.
„Упатуваме благодарност до сите институции кои учествуваа во спроведувањето на активноста, која има за цел да ги едуцира учениците и вработените кои мерки треба да ги преземат кога има земјотрес“, рече Мерита Алили, секретар на ОО Црвен Крст Гостивар
Со ваквите активности се цели да се намалат ризиците при појава на природни катастрофи.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Вестипред 2 месеци
Историјат на Осми март – Празник посветен на правата на жените
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот