Докази за влијанието на канабисот и канабиноидите врз здравјето

Издаден е најопширниот извештај досега за влијанието на канабисот и канабиноидите врз здравјето. Националната академија за науки, инженерство и медицина во САД, ги пресметала бројните ефекти на марихуаната и дала препораки за натамошни истражувања.

Научниците ги повикуваат сите добро да се информираат пред конзумирање на марихуана, без разлика на позитивниот став на мнозинството лаици за оваа тема, бидејќи од научна страна за да се добие одговор на ова прашање, се’ уште треба многу да се истражува.

Извештајот е резултат на анализа на повеќе од 10.000 студии и се состои од речиси 100 заклучоци, а најинтересни се следниве:

Постојат релативни и суштински докази дека канабисот и канабиноидите се:

– ефикасни при третман на хронична болка;
– ефикасни антиеметици при лекување на гадење и повраќање кај примена хемотерапија;
– ефикасни при лекување на спазми и симптоми на мултиплекс склероза;
– поврзани со потешки респираторни симптоми и појава на хроничен бронхитис;
– поврзани со зголемен ризик од сообраќајни несреќи;
– поврзани со помалата тежина на новороденчето, поради конзумирање во текот на бременоста;
– поврзани со развојот на шизофренија и некои други видови психоза;
– поврзани со последователни тешки проблеми од нивна употреба, доколку се конзумираат од порана возраст.

Постојат умерени докази дека канабисот и канабиноидите:

– не се поврзани со појавата на рак на белите дробови;
– се поврзани со намалување на когнитивните способности, меморија и концентрација;
– се поврзани со помалку зголемен ризик на развојот на депресија;
– Се поврзани со зголемена инциденца на социјално анксиозно пореметување;
– дека анксиозноста, растројствата на личноста, АДХД и биполарното растројство не се фактори на ризик за развој на проблемите со нивна употреба;
– дека големото депресивно нарушување е фактор на ризик за развој со употреба на канабис;
– дека алкохолот и никотинот не се фактор на ризик за развој на проблемите со употреба на канабис.

Постојат ограничени докази дека канабисот или канабиноидите:

– имаат удел во зголемувањето на симптоми на Туретов синдромот и пост-трауматски стрес;
– не се ефективни при подобрување на симптомите поврзани со деменција или подобрување на очни проблеми со интраокуларен притисок кај глаукомот;
– се поврзани со компликации за време на бременост и завршување на новороденчето на интензивна нега;
– се поврзани со пониски академски достигнувања и зголемување на невработеноста.

Нема докази или воопшто нема докази дека канабисот и канабиноидите:

– се ефективни при лечење од рак, иритабилен цревен синдром, епилепсија, симптоми поврзани со Паркинсоновата болест;
– се поврзани со појавата на рак на простатата, рак на матката или хуман папилома вирус;
– поврзани со смртни случаи предизвикани од прекумерна доза на канабис;
– се поврзани со подоцнежниот развој на детето;
– се поврзани со повредите на работно место.

Повеќе за заклучоците поврзани со марихуана можете да прочитате овде.

Во соработка со: Enauka.mk