Занимливости
Дијамантот “Farnese Blue” продаден за 6,7 милиони долари
Реткиот син дијамант познат како “Farnese Blue”, од 6,16 карати, кој последните 300 години беше во сопственост на повеќе кралски семејства во Европа, продаден е на аукција во Женева, за 6,7 милиони долари.
Дијамантот “Farnese Blue” е даден како свадбен подарок на Елизабет Фарнезе, ќерка на војводата од Парма, кога се омажила за кралот Филип од Шпанија петти во 1715 година, внук на францускиот крал Луј 14, нарекуван Кралот Сонце.
Дијамантот оттогаш се проследувал во кралските кругови од генерација на генерација, од Шпанија преку Франција до Италија и Австрија.
6,16 каратниот дијамант потекнува од рудникот Голконда во Индија. На аукцијата беше продаден по само четири минути, во аукциската куќа Sotbis, која побара почетна цена од три и пол милиони долари. Идентитетот на новиот сопственик не е познат.
“Очекувавме добар резултат, почнавме од 3,5 милиони, а завршивме со 6,7 милиони, очигледно погрешивме во проценката”, рече Даниела Макети, претставник на аукциската куќа Sotbis.
Според неа, дијаманти како овој, кои се со висок квалитет и имаат историја, одлично поминуваат на аукциите. Овој дијамант некогаш бил дел од круната на француската кралица Марија Антоанета.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Вестипред 2 месеци
Историјат на Осми март – Празник посветен на правата на жените
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот