Пријавен обид за силување во Скудриње

Осумнаесетгодишна девојка од долнореканското село Скудриње го пријавила поранешното момче за обид за силување.

Случајот го пријавила вчера околу 18.30 часот во Полициското Одделение-Ростуше во присуство на својот татко. „Истиот ден околу 17.00 часот во село Скудриње, поточно на местото викано ,,Сисвети“, додека пријавителката била со своите другарки, кај нив дошол нејзиниот поранешен дечко, исто така на возраст од 18 години и меѓу нив прво настанала вербална расправија, а потоа тој  физички ја нападнал, и ја влечел насилно до блиската шума, каде што се обидел да има полови дејствија со неа. Не успеал во намерата, бидејќи наишло друго лице кое го спречило“, стои во соопштението на СВР Тетово.

Пријавениот бил приведен и задржан во полициска станица за понатамошна постапка.