Гостивар
Споделена велигденска радост во Гостивар: Христос Воскресе – Навистина Воскресе!
Празникот над празниците-Велигден, центар на православната вера, ги сплоти православните верници во Гостивар во споделување на радосната вест за Христовото воскресение со кое се докажува победата на животот над смртта.
Велигден во летото господово 2024 во Гостивар се дочека и одбележа достоинствено и масовно. Граѓани од сите генерации, со радост и трепет во срцата ја дочека веста за Христовото воскресение на прославата во соборниот храм „Успение на Пресвета Богородица“ во центарот на градот и градскиот плоштад. Според обичаите и традициите, на објавувањето на веста за Христовото воскресение и претходеше трикратниот опход околу црквата со пеење на Воскресение Христе Твое Спасе.
На полноќ се означи Велигден, празникот кога Исус станал од мртвите и ја докажал својата божествена моќ. Граѓаните си честитаа како што налагаат обичаите, со „Христос Воскресна-Навистина Воскресна“ и традиционално се кршеа со велигденските јајца, обичај на кој најмногу му се радуваат дечињата. Одбележувањето на празникот продолжи со утрена и литургија на Свети Јован Златоуст.
Велигден се слави како празник над празниците, победа на животот над смртта. Црвените велигденски јајца го симболизираат повторно раѓање. Се верува дека тврдата лушпа на јајцето го претставува гробот на Исус, а кршењето на јајцата – воскреснувањето од мртвите. Палењето на свеќите пак е симбол на распространувањето на Исусовата светлина, која никогаш не гасне. По обичај, свеќата се носи дома и со неа се пали кандилото.
Богослужбите продолжуваат и во наредните денови од велигденските празнувања.
-
Гостиварпред 3 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гости: Живка Ѓурчиновска и Г‘зиме Фејзи | ЖЕНИТЕ ОД РУРАЛНИ СРЕДИНИ
-
Вестипред 2 месеци
Историјат на Осми март – Празник посветен на правата на жените
-
Македонијапред 3 месеци
Најнова одлука: Од утре промената на возачките, сообраќајните и патните листови ќе бидат без надоместок
-
Гостиварпред 2 месеци
Гостиварско архиерејско намесништво: Распоред на дежурни свештеници за Задушница