Таравари: Директори на две училишта одбија општината да ги плати долговите за струја

Градоначалникот на Гостивар, Арбен Таравари одговори на најновите обвинувања упатени денес од директорот на гимназијата Џези Камбери, кој посочи дека жиро-сметката на училиштето е блокирана и дека струјата им е исклучена.

„Повторно ќе кажам дека општината ги исполнува своите обврски кон училиштата. Сите блок-дотациии се прераспределени, а префрливме пари и за плаќање на сметките за струја. Директорите на гимназијата и на ОУ„Исмаил Ќемали“ одбија општината да ги плати долговите за струја и побараа да им ги подмириме сите долгови што ги имаат кон различни фирми, што е невозможно. Веќе кажав дека општината се грижи и мисли на учениците и мислам дека не треба повеќе да ја заморуваме јавноста и граѓаните со овие прашања.“, рече градоначалникот.