Какво време носи новата работна недела во Гостивар?

По прилично променливото време изминатиот период, оваа работна недела која следува ќе се задржат слични временски услови.

Според метеоролошките прогнози, неделава времето во гостиварскиот регион ќе биде прилично нестабилно со врнежи од дожд, облачно и услови за краткотрајни сончеви периоди.

Денеска, сонцето изгреа во 6 часот и 11 минути, а ќе зајде во 16 часот и 28 минути. Утрово беа измерени температури од 8 степени, додека дневените ќе достигнат до 17. Преку целиот ден се очекуваат врнежи од дожд.

Утре и во среда се очекува прекин на врнежите. Ќе преовладува облачно време со повремени сончеви периоди. Утринските температури ќе се движат околу 8 степени, максималните ќе достигнат 22 степени.

Во четврток и петок не очекуваат истите температури, но ќе се вратат врнежите и влажното време, посебно обилни врнежи од дожд се очекуваат во последниот ден од оваа работната недела.