Менсур Јакупи поднесе оставка од тренерската функција во ФК Гостивар

Првиот тренер на фудбалскиот клуб Гостивар, Менсур Јакупи денес поднесе неотповиклива оставка од функцијата. После четири одиграни кола во Втората МФЛ – Запад, Јакупи се одлучи на ваков потег, поради професионални и морални причини.

„Оставката е од професионален карактер, двата порази по ред беа пресудни за мојата одлука. Јас сум професионалец и такви се моите размислувања од резултатски аспект. Управата инсистираше да продолжам со тренерската функција, но моето мислење е дека треба да има промени во стручниот штаб за да се вратат победите во екипата. На крај, наидов на разбирање од управата и од се срце им посакувам успех во понатамошната работа во клубот“, изјави за Gostivarpress.mk сега веќе бившиот тренер на ФК Гостивар, Менсур Јакупи.