Вести
Уште една драма со „happy end“ на КК Гостивар, падна и Куманово
Уште една драма со „happy end“ завршница, во режија на кошаркарите на КК Гостивар, за која очигледно стануваат специјалисти. Овојпат партнер во драмата беше екипата на КК Куманово, загубија во Гостивар (81:78).
Тежок и неизвесен натпревар од самиот почеток, тешко се одвиваа нападите и на двете страни, првата четвртина ја добија гостите со резултат 19:23, втората им припадна на домаќините 22:12, се чинеше дека работите одат во посакуван правец за „бело-сините“ од Гостивар. На полувреме се замина со резултат 41:35.
Во вториот дел ништо не најавуваше неизвесен натпревар. Се играше кош за кош, се до периодот кога Куманово влезе во серија и со две погодени тројки изедначи на 55:55. Од тој момент почнува драмата во Младост. Куманово успеа да поведе дури и да ја зголемува предноста, на 6 минути пред крај имаа предност од +9 поени. Во нити еден момент кошаркарите и публиката на КК Гостивар не се предадоа, полека ја топеа разликата. Костоски успеа да запише 9 поени во серија. Петата лична на Сегариќ, го внесе Ефианаи во игра, кој на 50 секунди пред крај, на неговото деби за гостиварскиот тим, за вистински „happy end“ погоди за три поени со кои Гостивар поведе, а салата Младост експлодира. Куманово успеа уште еднаш да израмни, но и Костоски беше сигурен од линијата за слободни фрлања. КК Гостивар победи 81:78.
Александар Костоски беше најефикасен кај Гостивар со 22 поени, Фурстингер запиша 11. Кај Куманово Думиќ беше најрасположен со 18 поени.
Со оваа победа „бело-сините“ се зацврстија на 4-тата позиција, со скор 8-4 и 20 бодови. Во следното коло Кошаркарскиот клуб Гостивар е слободен.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Вестипред 2 месеци
Историјат на Осми март – Празник посветен на правата на жените
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот