Со пробниот попис во Гостивар, Вруток и Форино биле попишани 1.275 лица

Општина Гостивар беше една од општините во коишто се спроведе пробниот попис на  населението, становите и домаќинствата во периодот од 10 до 30 јуни. Како што информира за Gostivarpress.mk, Државниот завод за статистика во Општина Гостивар, пробниот попис се спроведе во 2 пописи круга во градот и по еден пописен круг во селата Вруток и Форино.

„Пробниот попис  во овие пописни кругови го спроведоа четири попишувачи и двајца државни инструктори. Активностите на терен се одвиваа непречено и без проблеми.“, оценуваат од ДЗС.

Со Пробниот попис, во двата пописни круга во Гостивар биле опфатени 138 згради, 318 станови, 199 домаќинства и 642 лица. Во Вруток биле опфатени 157 објекти, 164 домови, 100 домаќинства и 360 лица, додека во Форино – 115 објекти, 115 домови, 65 домаќинства и 273 лица.