Судот во Гостивар определи притвор за келнерка која избодела со нож колега што ја вознемирувал

Судија на претходна постапка од Основниот суд Гостивар, определи притвор во траење од 30 дена за осомничена за кривично дело обид за убиство.

Основното јавно обвинителство Гостивар покренува истражна постапка за случајот.

„Обидот за убиство за кој обвинителството ја поведе постапката се случил на 2 јули околу 4.30 часот во угостителски објект во село Неготино, полошко. Осомничената,  вработена во угостителскиот објект, пред да го изврши делото  била  вознемирувана од страна на оштетениот – нејзин колега. Откако и по нејзините повици да престане, оштетениот продолжил со дејствијата, таа се упатила кон шанкот, зела нож и му нанела неколку убодни рани во пределот на стомакот.“, соопшти Обвинителството.

42 годишниот маж со убодни рани беше пренесен на Ургентното одделние во гостиварската болница за укажување на лекарска помош.