Не возете брзо и почитувајте ги правилата – апелира полицијата

Поради зачестените сообраќајни несреќи на полошкото подрачје, полицијата апелира на зголемена внимателност од страна на возачите и почитување на законските правила и прописи.
Ризикот е особено поголем наутро, кога температури се значително пониски поради што има појава на голомразица и коловозите се лизгави.
„Секторот за внатрешни работи Тетово апелира до возачите да бидат крајно внимателни, задолжително да поседуваат зимска опрема и да ја прилагодат брзината според условите на патот. На возачите им се советува, исто така, навреме да ја проверат техничката исправност на нивните возила и посебно оние кои вршат јавен превоз на патници со автобуси и комбиња, да не конзумираат алкохол кога седнуваат зад волан и да не управуваат неподготвени и заморени“, стои во апелот од полицијата.
Анализите покажуваат дека најчестата причина за сообраќајните несреќи, особено за оние со посериозни последици, е брзото возење.
Секторот за внатрешни работи и во наредниот период ќе продолжа засилени контролни активности на патиштата со цел да се воведе ред и спречат несакани последици.