Несреќа на патот Гостивар-Тетово, повредени се две жени и две деца

Во сообраќајка којашто се случила попладнево околу 14.30 часот, на патот Гостивар-Тетово, кај тумчевишка клучка,  со телесни повреди завршиле две жени и две деца.

Според информациите од СВР Тетово, патничко возило мерцедес караван со хрватски регистарски таблици управувано од 34 годишната С.А од село Сенокосе од засега непознати причини изгубило контрола, излетало од коловозот и се превртело. Од излетувањето и превртувањето, С.А. како и сопатниците: 33 годишната Х.И. и две малолетни деца на возраст од 12 и 7 години се здобиле со повреди. Со возило на Брза помош биле пренесени во гостиварската болница, кадешто по укажана лекарска помош пуштени се на домашно лекување.

Увид на местото извршила екипа на ОВР Гостивар, со овластување на Јавен обвинител.