Вести
„Изгоре ќесето“ за прослава на Бадник и Божиќ
Празниците се благослов и повод семејството заедно да се собере во убава атмосфера во домот. Но, празнувањата значат и дополнителен трошок за семејниот буџет, кој не сите можат да си го дозволат. Трговците пак, си го гледаат профитот и народски кажано „користат гужва“ , па ги зголемуваат цените на производите што вообичаено се купуваат за празниците. Проценката е дека за Бадник и Божиќ, едно семејство ќе потроши од 4000 до 6000 денари само за да може просечно со ручек и вечера, како што е редот, да ги прослави празничните денови.
Бадниковата трпеза е посна, но тоа не значи и дека се поминува поефтино. Рибата стандардно држи цена: килограм пастрмка чини околу 300 денари, осличот е за стотина денари помалку, а ако купувате лосос ќе треба подлабоко да бркнете во џебот. Костените, кои традиционално се дел од трпезата за Бадник се продаваат за 200 денари по килограм. И оревите се со „солени“ цени. Ако се додадат и парите што се потребни за набавка на суво овошје, тиква, пијалоци, мандарини, јаболка, тогаш повеќе од јасно е дека имаме ситуација „изгоре ќесето“.
На трпезата за Божиќ се принесува и месо. Тоа значи издвојување на уште поголема сума за да се` биде како што треба, да личи богато и празнично. Најчесто се купува свинското кое чини околу 300 денари за килограм, плус – минус 30 денари, зависно какво свинско купувате. Пилешкото е поефтино, но и не е така омилено и практикувано за божиќниот ручек. За салата, најдобро е да си извадите од туршијата, затоа што цените на свежиот зеленчук се отидени во небо.
И на крај, не е лошо да тргнете некој денар настрана. Доаѓаат и други празници, Стара нова година и Водици. Си требаат пари. А треба да се преживее и февруари, нели?
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот