УХМР со најава за дестабилизација на времето

Управата за хидрометеоролошки работи излезе со предупредување за дестабилизација на временските услови. Денес ќе дува умерен до засилен ветер претежно од југозападен правец, особено во западните делови каде повремено ќе достигнува брзина над 70 км/час и во текот на ноќта ќе има врнежи од дожд, на планините од снег, кои локално ќе бидат пообилни, извести УХМР. Утре и во петок времето ќе биде претежно облачно со повремени врнежи од дожд, а на планините и на некои повисоки места од снег.

Метеоролозите прогнозираат пообилни врнежи во западните делови каде на планинита ќе се формира снежна покривка од 15 до 25 см и ќе има појава на снежни наноси. Ќе дува засилен ветер претежно од северозападен правец, а дневната температура ќе биде пониска за околу 10 степени.