Гостивар
Пожарникарите во Гостивар вклучени во миење на улиците и распределба на хуманитарни пакети
Гостиварските пожарникари, освен редовните обврски на интервеници за гаснење пожари, периодов додека трае корона пандемијата помагаат и во други активности од јавен интерес. Заедно со екипите на комуналното претпријатие работат на миење на градските улици, а се вклучени и во доставувањето на хуманитарни пакети за социјално загрозени семејства.
Што се однесува до состојбата со пожарите, од Противпожарната единица ја оценуваат како вообичаена за овој период од годината, кога има и појава на пожари на отворено.
„Овој месец имаме интервенирано на 26 пожари, од кои 15 на отворен простор, останатите во куќи и други објекти. Состојбата е вообичаена, отприлика како изминатата година во овој период. Сега во време на вонредните услови поради короната, наши екипи се вклучени во миење на улиците заедно со „Комуналец“, како и во активности на Општина Гостивар при делење на пакети со хуманитарна помош“, рече командирот на Противпожарната единица, Јусуф Бајрами.
Изминатиот период биле преземени неколку зафати за подобрување на условите во објектот, кадешто е сместена пожарникарската служба. Сите стари прозорци се заменети со нови, а инсталиран е и нов систем за парно греење. Пожарникарите во наредниот период ќе се подноват и со униформи и опрема.
Зградата е стара и дотраена, па има уште многу работи за санирање и обнова, но за следен чекор, најважно е да се среди покривот, нагласи Бајрами.
Од Противпожарната единица во Гостивар упатија апел до граѓаните, особено до земјоделците и оние коишто се движат во шумски предели, да бидат повнимателни и да не палат огнови за да не се предизвикуваат пожари.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот