Гостивар
Во Гостивар почина жена позитивна на корона, лекари и сестри од болницата во самоизолација
Жена од село на подрачјето на Општина Врапчиште, кај која бил потврден коронавирус, вчера починала во општата болница во Гостивар. Позитивниот резултат од тестот, бил добиен половина час пред да настапи смртта. Пациентката била донесена во болницата во тешка состојба, поради што медицински екипи интервенирале со реанимација. Петнаесетина медицински лица се ставени во домашна самоизолација. Се работи за целата смена на лекари и сестри од Ургентниот центар, како и неколку лекари од други одделенија, кои биле повикани за интервенција.
Директорот на болницата Јакуп Јакупи рече дека се преземени сите мерки според протоколите, и дека застој во работата на установата нема да има.
„Ги презедовме сите неопходни мерки како што е препорачано и според протоколите за вакви случаи. Медицинскиот персонал е испратен во домашна самоизолација од 14 дена, а веднаш е извршена целосна дезинфекција на просториите. Застој во работата на одделенијата и службите нема, затоа што сме подготвени за вакви ситуации и го организираме персоналот на начин да нема пречки во функционирањето“, рече Јакупи.
Во денешната статистика на Министерството за здравство, овој случај не е евидентиран како смртен, најверојатно поради временската рамка на пријавување.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ