Маџун – чудо од природен лек

Во период, кога имунитет на повеќето од нас ни е во опаѓање и лесно не` напаѓаат вируси и бактерии, природните лекови за подобрување на отпорноста на организамот се секако добредојдени. Последните години, меѓу народот се враќа популарноста на маџунот, целосно природен производ, кој се добива од гроздов сок на најкавлитетните видови лоза. Во тиквешкиот регион го нарекуваат божествена течност, заради ефикасноста врз зајакнувањето на имунолошкиот систем.

Маџунот се препорачува за добро здравје на возрасни и на деца. Со оглед на тоа дека не содржи додатоци како шеќер, адитиви и конзерванси, претставува ризница на хранливи материи што го штитат целиот организам.

Помага при настинки и инфекции на респираторниот систем, психички нарушувања, прекумерна телесна тежина, запек, анемија и срцеви болести. Познат е како чистач на телото и посебно се препорачува кај луѓе со нарушена функција на црниот дроб заради прележана жолтица, алкохолизам, цироза или прекумерна употреба на лекови.

Се зема по една лажица наутро и навечер, а може да се користи и за засладување на чај, млеко, како прелив на торти и сладоледи.