Гостивар
Корона страв – Граѓаните се плашат да одат на лекар и да кажат какви симптоми имаат
Откако почна ковид пандемијата, голем дел од граѓаните се плашат и им се јавува паника доколку треба да одат на преглед и да побараат лекарска помош. Секојдневно преоптоварени со информации за коронавирус, се доведуваат во заблуда и за симптомите и тегобите што ги чувствуваат. Медицинските лица сметаат дека е неопходна подобра едукација на населението за да се надмине стравот.
Пациентите имаат фобија од ковид и хоспитализација и честопати заради тоа не ги кажуваат симптомите точно, вели д-р Мухамедали Хајредини, кој е член на Кризниот штаб во Општина Врапчиште.
„Ние сме во секојдневен контакт со пациенти и нашето искуство кажува дека кај луѓето се јавува страв, па не ги кажуваат своите симптоми целосно, што пак отежнува правилно да се третираат. Граѓаните треба да знаат дека не секој симптом е врзан со ковид и секое одење во болница не значи хоспитализирање за ковид. Покачена температура или треска, не е автоматски коронавирус. Тие се плашат дека веднаш ќе бидат пратени на инфективно одделение. Потребно е повеќе да се зборува за овој проблем, за луѓето да го надминат тој страв и на своите лекари отворено да им ги кажат здравствните тегоби, за да добијат правилна терапија и третман“, вели д-р Хајредини.
Светската здравствена организација предупреди дека пандемијата влијае врз психичкото здравје на луѓето, и дека актуелната состојба ќе носи зачестени проблеми со анксиозност и стрес. Психолозите советуваат умереност во следење на информации врзани со ковид, повеќе физичка активност и задолжително да се најде време за опуштање со читање книга, гледање филм, работа во градината и сл.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Вестипред 2 месеци
Историјат на Осми март – Празник посветен на правата на жените
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот