Со домашните платежни картички граѓаните потрошиле 23 милиони евра

Според статистиката што ја објави министерката за финансии Нина Ангеловска, заклучно 1-ви август државата доделила домашни платежни картички во вредност од 26,7 милиони евра, од кои корисниците до тој датум потрошиле околу 23 милиони евра. Таква картичка користат околу 305 илјади граѓани.

„Ова се средства кои се вбризгани во домашната економија преку купување македонски производи и услуги. Домашнaта платежна картичка има повеќекратен бенефит за граѓаните и економијата:ја поддржува приватната потрошувачка, ги поддржува домашните производители и услужни дејности, придонесува за раздвижување на економската активност и придонесува за безготовинско плаќање„, наведе Ангеловска.

Со картичките реализирани се над 1,7 милиони транскации. Најголем дел од нив се во маркети (89%), потоа ресторани и храна (4,7%) па текстил, облека, обувки (2,9%), аптеки (2,3%)

Граѓаните-корисници кои ја немаат подигнато својата Домашна платежна картичка можат се уште да го направат тоа до 15 август – кој е крајниот рок за нивно користење.