Починал велосипедист кој учествувал во сообраќајна несреќа на патот Гостивар – Чегране

72 годишен жител на гостиварско Чајле завршил со повреди во несреќа што се случила вчеравечер на регионалниот пат Гостивар – Чегране.

МВР соопшти дека во 20,45 часот било пријавено дека патничко моторно возило “ауди“ со гостиварски регистарски ознаки управувано од И.Ј.(23) од Форино удрило во велосипед управуван од О.О.(72) од Чајле. Во незгодата со повреди се здобил велосипедистот констатирани во Медицинскиот центар Гостивар, по што бил препратен во Комплексот клиники “Мајка Тереза“-Скопје каде починал. Извршен бил увид на местото на настанот од Јавен обвинител и увидна екипа од СВР Тетово.