Гостивар
Модуларниот ковид центар во Гостивар ќе има 33 кревети, соба за изолација, рендген… кога ќе почне да се гради не се знае
Локацијата и капацитетот на модуларниот ковид центар во Гостивар се одредени и познати, но за сега не е прецизирано кога ќе започне изградбата. Предвидено е објектот со бараки да се подигне близу гостиварската општа болница и да има вкупно 33 кревети. Пациентите ќе се распоредуваат во болничките соби, зависно од сериозноста на нивната клиничка слика. Планирана е и една соба за изолација на сомнителни случаи.
Според податоците кои се познати до сега, ковид центарот ќе има просторија за мали интервенции и рентгенско снимање. Исто така, ќе бидат обезбедени посебни простории и канцеларии за медицинскиот персонал. Вкупната површина на објектот ќе биде околу 590 метри квадратни.
Овој центар е еден од 16-те што ги најави Министерството за здравство, како дополнителни капацитети за згрижување на пациенти заболени од ковид. Ќе се градат со кредит од Светска банка.
Во вчерашното интервју во Топ Тема, министерот за здравство Венко Филипче рече дека изградбата доцни, затоа што во времето на техничката Влада, тогашната заменик министерка за финансии не го потпишала заемот.
„Да го потпишеше тогашната замничка за финансии заемот, ќе беше поинаку. Тоа беше заем за брза помош за здравстените системи, не само кај нас, туку во 100 земји во светот, со над 6 милијарди долари за зајакнување на здравстевните капацитети. Сето тоа за да подготвено се пресретне есенскиот бран, кој уште тогаш се очекуваше.“, рече Филипче.
За хоспитализација на пациенти со ковид Гостивар за сега го има инфективното одделение со 24 болнички кревети. Доколку има наплив на заболени, за нивно згрижување ќе се пренамени дел од интерното одделение.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Вестипред 2 месеци
Историјат на Осми март – Празник посветен на правата на жените
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот