Гостивар
Екологистите бараат повеќе зеленило во Гостивар за борба против аерозагадувањето
Последните месеци од годината вообичаено расте нивото на загадување на воздухот. Изминатиот период мерните станици во Гостивар честопати покажуваат високи вредности на штетни ПМ 10 честички, особено во вечерните часови. Бројките некогаш се и до трипати над дозволените граници. Еколозите предупредуваат на сериозните последици по здравјето од аерозагадувањето, кои се уште позагржувачки во време на пандемија.
„Загадениот воздух е тивок убиец. Доведува до белодродбни, кардиоваскуларни заболувања, излив, канцери. Во време на пандемија го олеснува продорот на вирусите до белите дробови. Истражувањата покажуваат дека смртноста од ковид 19 е зголемена за 15% во градови и земји каде има огромно загадување на воздухот, а ние спаѓаме меѓу првите по загаденост во Европа.“, вели Валентина Штерјоска од ГвЕко.
Како прочистувач на воздухот зеленилото е незаменливо оружје против загадувањето. Во таа насока, еко активистите постојано се залагаат за подигнување на нови зелени површини.
„Недостига двонасочна комуникација, недостига стратегија и на долг и на краток рок. На долг рок незаменлива е природата и урбаното зеленило, кое многу недостасува во градот. Веќе и урбанистичкиот план го зема својот замав, се градат згради кои немаат ни паркинг, ни зеленило. Како екологисти ќе предложиме наредниот период да се направи една ревизија на урбанистичкот план, да се зголемат јавните површини кои ќе бидат засадени со убрано зеленило. Во светот веќе се користат и тие столбови на урбано зеленило, еден таков столб од мов може да замени 275 дрвја. Еве, давам предлог, апел до општината, до Советот во наредниот буџет да предвидат повеќе средства за да се зголеми тоа урбано зеленило“, нагласува Штерјоска.
Грејната сезона има големо влијание врз аерозагадувањето, но и ефектот од густиот сообраќај не е за занемарување.
„Овој период секогаш се вадиме со тоа дека грејната сеозна почнува, но каде се другите загадувачи, каде е сообраќајот, индустриските загадувачи кои не се контролираат. Имавме предлог, кој наводно се прифати, но не се реализираше, во центарот на гардот да се направи трајна пешачка зона. Барем во тој дел на градот да придонесеме загадувањето да се намали и граѓаните да може да уживаат во некои минимални прошетки на тој простор“, рече Штерјоска.
Според податоците од Министерството за животна средина годинава Гостивар имал 72 дена со надминување на средните вредности на пм10 честички, што е двојно повеќе од дозволеното.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Вестипред 2 месеци
Историјат на Осми март – Празник посветен на правата на жените
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот