Спорт
Ефикасен натпревар во Младост – КК Гостивар го совлада Црн Дрим (109:95)
Доста ефикасен и интересен натпревар прикажаа вечерва екипите на КК Гостивар и Црн Дрим од Струга. „Бело-сините“ го добија натпреварот со резултат 109-95.
Дури 204 поени постигнаа актерите на денешниот дуел, што ја потврдува „меката“ игра во одбрана и во двата табора. Ефикасниот натпревар го најави првиот период во кој беа постигнати дури 50 поени (26-24). Единствената предност на гостите беше на 3 минути пред истекот на првата четвртина, кога ја имаа предноста од 16-18, по преземањето на водството, Гостивар не дозволи ново изненадување до крајот на натпреварот. Но, младата и жилава екипа на Црн Дрим, достоинствено одигра до послениот звук на сирената на семафорот.
Одлична партија одиграа Костоски, Тодоровиќ и Мосли, сите тројца постигнаа 65% од вкупните поени за гостиварскиот тим, Костоски беше најефикасен со 28 поени и 11 асистенции, Тодоровиќ запиша 23 поени и 11 скокови, Мосли 22 поени. Штерјов постигна 11, Тасовски и Армстед по 10 поени, Јанески 3 и Димитриевски 2 поени.
Кај стружани најрасположени беа Рос и Клаусен со 22, односно 21 поен, Делоски постигна 15, а бразилецот во редовите на Црн Дрим, Жоао Марсело 14, од кои сите со атрактивни забивања.
По ова коло следи двонеделна пауза поради почетокот на подготовките на нашиот национален тим, за квалификациите за Евробаскетот во 2022 година
Наредното 6. коло од шампионатот ќе биде на програмата на 5. декември.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Вестипред 2 месеци
Историјат на Осми март – Празник посветен на правата на жените
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот