Корона Гостивар: Од почеток на пандемијата потврдени над 3.100 случаи

Според официјалните податоци од Институтот за јавно здравје, во гостиварскиот регион (општини Гостивар, Врапчиште и М.Ростуше) од почетокот на пандемијата вкупно биле потврдени 3.116 случаи на коронавирус. Моментално како активно болни се водат 786 лица. Во ковид евиденцијата на ИЈЗ за подрачјево, регистрирани се 128 починати и 2.202 оздравени.

Во извештајот кој ги опфаќа деновите од минатата недела, Гостивар е запишан со 223 новозаразени граѓани. На ниво на државата пак, потврдени се 5.518 нови позитивни случаи, а најголем дел од нив се од Скопје, дури 2.296, што е 41,6%.

ИЈЗ наведува дека во однос на симптомите кои се пријавени кај заболените лица, најчесто се регистрирани температура (69,0%), малаксаност (40,5%), кашлица (40,6%), ослабен осет за мирис и/или вкус (26,4%), главоболка (22,0%), мускулна болка (17,8%), болка во грло (15,1%), треска (13,8%) и отежнато дишење (10,2%).