Гостивар

Мутираниот британски сој на корона потврден во Македонија

Објавено

пред 3 години

на

28/01/2021

Од

Gostivarpress.mk

Британскиот сој на вирусот е детектиран во приватната лабораторија на клиниката Жан Митрев во Скопје, при анализа на примероци од јануари, соопшти Министерството за здравство. Станува збор за 46 годишен маж кој веќе е оздравен, односно во базата на податоци на Инстистутот за јавно здравје пациентот од 22 јануари 2021 се води како оздравен.

Според информациите од ИЈЗ, пациентот првпат на 29 декември 2020 година, поради покачена температура и отежнато дишење, направил брз тест, кој бил со позитивен резултат. По неколку дена, односно на 4 јануари 2021 година се јавил на преглед во приватната болница Жан Митрев каде му е направен ПЦР тест кој е позитивен, а пациентот веднаш бил хоспитализиран во приватната болница. На 15 јануари во болницата му е направен уште еден тест кој повторно е позитивен.

Во епидемиолошката анкета пациетот нема пријавено контакти, ниту пак навел дека патувал надвор од државата.

Во лабараторијата во болницата Жан Митрев со посебна ПЦР метода е утврдено дека пациентот е суспектен на некоја мутација на вирусот, а потоа е направено секвенционирање. „Според информацијата која ја проследија до МЗ, сите мутации кои го дефинираат британскиот сој се утврдени кај изолатот од овој пациент. Кај останатите примероци кои се анализирани во приватната лабараторија не е детектиран британскиот сој на СарсКов2.“, извести МЗ.

Сподели ја веста:

Поврзани теми:

Следнo

Приведени двајца гостиварци заради марихуана

Не пропуштај

Во Гостивар лани издадени 113 дозволи, се гради и во пандемијата