Гостивар
Русино, водоснабдување, електронски киоск…проекти во Гостивар поддржани од Швајцарија
Амбасадорка на Швајцарија, Сибил Сутер Тејада денес беше во посета на Општина Гостивар и оствари средба со градоначалникот Арбен Таравари. Акцентот на разговорот беше ставен на проектите кои се реализираат во гостиварско со поддршка од Швајцарија, особено проектите за водоснабдувањето и депонијата Русино.
„Едниот проект за кој зборувавме е за подобрување на водоснабдувањето. Навистина ни е важно да видиме прогрес во овој проект, затоа што имаше одложување долго време, а сите знаеме колку е важно водоснабдувањето за граѓаните и заедницата. Затоа не радува што во наредниот период ќе има напредок во тој правец. Другиот проект , којшто го опфаќа не само Гостивар, туку цел полошки регион е за заштитата од поплави. Тука дадовме поддршка за поставување на зелен кров во училиште и сметам дека тоа е една многу успешна приказна, од која потоа пример зедоа и други општини. Исто така, се обидуваме да помогнеме и за Русино, да се рехабилитира тој простор, а понатаму да се најде нова локација за депонирање на отпадот.“, изјави Амбасадорката.
Градоначалникот потенцираше дека Швајцарија помогнала на Општина Гостивар многу повеќе од било која Влада.
„Задоволство ми е што наш гостин е Амбасадорката на Швајцарија, држава која на нашите граѓани, на Општина Гостивар помогна многу повеќе отколку било која Влада на Република Северна Македонија. Се работи за проекти кои се во релизација и во кои партиципира Општина Гостивар. Тие одделуваат од парите од даноци што граѓаните ги плаќаат за да инвестираат во нашата општина. Се надевам дека и во иднина ќе продолжиме со исти проекти кои се за доброто на граѓаните.“, рече Таравари.
Освен водоснабдувањето и Русино, со фондови од Швајцарија во Гостивар се реализираше ново шеталиште покрај Вардар, а наскоро ќе биде пуштен во употреба електронски киоск за плаќање сметки и поднесување разни барања од страна на граѓаните.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот