Приведен гостиварец, спречен обид за криумчарење на мигранти

Министерството за внатрешни работи соопшти дека вчера (27 февруари) околу 11.30 часот во село Банско, струмичко, полициски службеници од Полициската станица за Граничен премин и граничен надзор Ново село во содејство со Посебната единица за поддршка го лишиле од слобода Н.А. од гостиварска Долна Бањица, затоа што при преглед во возилото „мерцедес“, со гостиварски регистарски ознаки, што го управувал, биле пронајдени четири лица мигранти, турски државјани.

По насоки на Јавен обвинител тој бил приведен во полициска станица, а мигрантите биле предадени во Прифатниот транзитен центар „Винојуг“-Гевгелија. По целосно документирање на случајот, против Н.А. ќе биде поднесена соодветна пријава, најави МВР.