Гостивар
Дневно до 90 пациенти со корона за анализи во Лабараторијата на Здравствен Дом Гостивар
Откако се воведоа анализите на Д-Димери за корона позитивни на државен трошок, пред месец и половина, во Лабараторијата на Здравствениот дом во Гостивар, дневно се зема крв од 80 до 90 пациенти со коронавирус. Работата со ковид болните е организирана во посебни временски периоди, за да се избегне контакт со останатите граѓани кои доаѓаат за други проверки на крвта.
Заболените имаат потреба да ги контролираат параметрите, како што се Д-Димери и ЦРП повеќепати, за да се следи дали терапијата делува.
„Од пред месец и пол ние ги работиме анализите што се опфатени со тој ЛУ-1 образец за ковид пациенти. Често се случува за исти пациенти по два, некогаш и по три пати во неделата да се вршат проверки. Особено за хоспитализираните пациенти, кај кои цело време се следи состојбата, колку и како делува терапијата. Организираме прием на позитивните пациенти, после редовниот прием за да се избегне контакт на инфицираните со другите пациенти“, рече Абдулкадар Алији, раководител на Лабараторија Здравствен Дом
Испитувањето на Д-Димерите е важно за да се добие јасна слика за најчестите компликации при ковид, односно дали има згрутчување на крвта. ЦРП-то пак, се проверува за да се открие воспалителен процес.
„Досегашното искуство покажува дека првата недела од инфекцијата има покачување на вредностите на ЦРП , што е доказ дека има некој воспалителен процес. Понатаму, некаде втора недела од инфекцијата има појава на пореметување во коагулациониот дел, таа интраваскуларна тромбоза е нагласена, што се покажува со покачени Д-Димери. Со соодветна терапија, тоа се регулира, но секако потребно е време и состојбата треба да се следи, затоа што се забележани и случаи кај кои отпосле се јавиле компликации“, рече д-р Алији.
Сите анализи за ковид пациентите кои имаат соодветен лекарски упат во Лабараторијата се покриени од Фондот за здравство. На приватно анализа на Д-Димери се плаќа по 1.000 денари.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Вестипред 2 месеци
Историјат на Осми март – Празник посветен на правата на жените
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот