Две казни за гостиварецот кој со четирицикл удри во сообраќаен знак

Секторот за внатрешни работи Тетово информира дека го идентификуваше и санкционира седумнаесетгодишникот од Гостивар, кој управувајќи четирицикл на 4-ти овој месец во близина на крстосницата на улиците”Живко Брајковски” и “101” во Гостивар, преминува преку тротоарот и удирајќи со четирициклот оштетува сообраќаен знак “забрането паркирање и запирање”, а потоа снименото видео го објавува на социјалните мрежи.

Попладнево со него е извршен службен разговор во Одделението за безбедност на патниот сообраќај во Гостивар и изготвени му се два поднесоци по Законот за возила, извести СВР.