Вести
ПС Гостивар – Зголемен криминалитет, намален број на инциденти во училиштата
На подрачјето што го покрива гостиварската полиција, во 2016-та, се случиле вкупно 926 кривични дела. Сините униформи во годишниот извештај, бележат пораст на криминалитетот во однос на претходната година, но и на ефикасноста во разрешување на случаите. Извештајот беше усвоен на денешната седница на Советот на општина Гостивар.
„Лани има зголемување на кривичните дела за 3,5%, поднесени се 489 кривични пријави против 538 сторители. Бележиме околу 60% ефикасност за откривање на сторителите, што е реална и на задоволително ниво“, изјави командирот на ПС Гостивар, Гази Абдураими.
Во однос на прекршоците од нарушувања на јавниот ред и мир, ланската година на гостиварското подрачје била стабилна, оцени командирот Абдураими. Тој потенцираше дека особено внимание се посветило на училиштата за да се превенираат инциденти меѓу ученици. За разлика од претходната година, бројот на инциденти се намалил за 60-тина проценти. Засилени превентивни мерки биле преземени и во сообраќајот.
На денешната седница на гостиварскиот совет, беше верификуван мандатот на новата советничка од ВМРО-ДПМНЕ, Ивана Богданоска, дојдена на местото на Дафина Јовановска Стојаноска која стана пратеник.
Инаку, четиригодишниот мандат на советниците од овој состав истекува наредната недела. Како натаму ќе биде организирано функционирањето на Советот до распишување на нови локални избори се` уште е неизвесно поради актуелните политички случувања.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Вестипред 2 месеци
Историјат на Осми март – Празник посветен на правата на жените
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот