Лош ден за метеоропатите

Тмурното време и дождот носи неповолно влијание врз целокупната состојба на организамот, особено за метеоропатите, луѓе кои сензитивно реагираат на временските промени. Според биометеоролошката прогноза на Управата за хидрометеоролошки работи на Македонија, денешните временски услови ќе предизвикаат низа негативности и проблеми во здравствената состојба на луѓето.

„Во попладневните часови се очекува честа појава на главоболка, болки во колената, на грбот и вратни болки. Очекувана е честа појава на општа слабост, а кај некои ќе се појави чувство на тежина во главата. Во вечерните часови, болките кои се од ревматски карактер и од артритични промени ќе бидат подолготрајни“ , стои наведено во биометеоролошката прогноза за денес (4 април).