Вести
Над 1.900 слободни места во средните училишта во Гостивар
Во четирите средни јавни училишта во Гостивар, за наредната учебна година се отвораат вкупно 1.904 слободни места за упис на ученици. Бројката е определена во конкурсот за запишување на ученици во прва година средно образование што го објави Министерството за образование и наука. Иако изминатите години, во ниту едно училиште предвидените слободни места не се пополнуваат, бројките на конкурсот остануваат исти. Така и годинава, нема промени во однос на лани.
Средното техничко, повторно може да прими најмногу ученици, вкупно 714. Од нив предвидено е да се формираат, 7 паралелки на македонски, 9 на албански и 5 на турски јазик. Учениците може да избираат од следниве струки: машинска, електротехничка, хемиско технолошка, градежно геодетска, козметичка. Минимумот бодови за упис се движи од 30 до 55.
Во гостиварската гимназија отворени се слободни места за прием на 476 полуматуранти во 9 паралелки на албански, 3 на турски и 2 на македонски јазик. За упис се потребни најмалку 60 бодови.
Економското училиште, според конкурсот отвора врати за 442 ученика. На албански јазик предвидени се 7 паралелки, на македонски 5 и на турски јазик, една. Во ова училиште има неколку струки: економски, банкарски или правен техничар и деловен секретар.
Во медицинското училиште предвидени се 272 места, и формирање на 4 паралеки на албански и по две на македонски и турски јазик. За влез во ова училиште определен е повисок минимум бодови и тоа 70.
Новина од наредната учебна година е воведувањето на Кембриџ програмата во средните училишта и тоа по предметите:математика, биологија, физика и хемија.
Првиот уписен рок ќе се спроведе на 28 и 29 јуни.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар