Намалување од 8,9 % на бројот на новозаразени од Ковид-19 минатата седмица во споредба со претходната, бележи Институтот за јавно здравје (ИЈЗ) во неделниот извештај за состојбата со коронавирусот во земјава.
Од 15 до 21 ноември од Ковид-19 заболеле 2.929 лица, што е за 288 помалку од периодот меѓу 8 и 14 ноември.
Минатата недела се тестирани се 19.791 лица, за 7,3 отсто помалку од претходната седмица. Процентот на позитивност се движи од 11,6 до 16,9 отсто, а просечно 14,8.
Најмногу новозаразени има во Скопје. Во Гостивар има 12 случаи. Регистрирани се заболени лица во сите возрасни групи, а најзастапени се лицата над 60 години (23,3%). Најмалку заболени се регистрирани кај возрасната група од 0-9 години (3,6%).
Се забележува намалување на бројот на заболени кај сите возрасни групи, освен кај возрасната група од 0-9 години (+2,0%). Најзабележително е намалувањето кај возрасната група на лица над 60 години (-13,7%)
Според полот, 54,3 отсто од заболените се жени, а 45,7 машки.
Кај сите секвенционирани примероци е докажана Делта варијантата, како и присуство на различни нејзини сублинии. Сублинијата позната како Делта плус не е детектирана кај ниту еден од секвенционираните примероци.
Пријавени се 91 смртен случај, најмногу од возрасната група над 60 години (89%).
Активни на Ковид-19 се 8.290 лица, хоспитализирани се 495, од кои 330 се на кислородна поддршка и 14 на инвазивна/неинвазивна механичка вентилација.
Минатата недела се евидентирани и 2 855 оздравени лица.
ИЈЗ регистрирал и 49 реинфекции. Заклучно со 21 ноември вкупно се пријавени 870 реинфекции, што е 0,4 отсто од вкупниот број на досега заразени кој изнесува 212 375 лица.
Курсна листа на НБРМ и приватните менувачници во Гостивар
Денеска е Летник
Србите го слават Свети Сава – Национален празник на српската заедница во земјава
Денес е Прочка – Проштевајте и побарајте прошка од оној на кој сте му згрешиле
Објавен повик за невработени-По 6.000 евра грант за да си отворат бизнис
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
Историјат на Осми март – Празник посветен на правата на жените
Баба Нада со 90 години е најстар жител на Зубовце, денес пречека добри гости во домот
