Таравари во посета на пожарникарите и полицијата на новогодишната ноќ

Градоначалникот Арбен Таравари на новогодишната ноќ беше во посета на дежурните екипи во Противпожарната единица и Полициската станица во Гостивар. Заедно со претседателот на Советот на Општина Гостивар, Ваљбон Лимани поразговараа со пожарникарите и полицијата, им ја честитаа Новата Година и им посакаа мирна ноќ.

„Веќе традиционално секоја година доаѓаме кај дежурните служби да ги посетиме и да разговараме со нив, да им честотае нова година, што помалку работа да имаат вечерва, но и во текот на целата година. За жал, токму при посетата добивме информација дека екипи се на терен и интервенираат на пожар, да се надеваме дека ќе помине без поголеми последици. Оваа вечер кога сите слават, тие се тука, на своите работни места, пожарникарите, заедно со медицинските работници и полицијата се хероите кои се во служба на граѓаните“, рече Таравари, во изјавата по посетата на Противпожарната единица.

„Им посакавме на дежурните екипи во противпожарната единица и полициската станица да имаат лесно дежурство со помалку работа, и секако во новата 2022-ра година да имаат што подобро здравје“, рече Лимани по посетата на ПС Гостивар.

Инаку, пожарникарите вечерва интервенираа на пожар кој избувна во куќа, на локација близу населбата Циглана на патот кон Беловиште.